--Ads--
Pinasingkedan ti Bureau of Immigration nga adda pay laeng idiay Indonesia ni dismissed Mayor Alice Guo iti Bamban, Tarlac ken saan pay a nakapanaw iti nasao a pagilian.
Segun ken ni BI Spokesperson Dana Sandoval, malaksid ken ni Guo, adda pay laeng idiay Indonesia ti kabsat ni Guo a ni Wesley iti baet dagiti impormasyon manipud iti Presidential Anti-Organized Crime Commission a nakapanawen iti pagilian.
Ti nagan ni Guo ket nakalista iti immigration lookout bulletin kasaruno ti imbestigasyon iti husto a kinataona ken ti pannakainaigna kadagiti iligal nga aktibidad ti maysa a Philippine Offshore Gaming Operators idiay Bamban.
Immunan a pinasingkedan dagiti otoridad a pimmanaw ni Guo iti pagilian idi Hulyo 18.
-- ADVERTISEMENT --
