--Ads--
Agtultuloy ti panangipatungpal ti Bureau of Fire Protection – Vigan City iti kampanyada nga OPLAN Iwas Paputok ita a holiday season.
Ti kampanya ket narugian idi December 1 ken agleppas inton December 31.
Iti pannaki-uman ti Bombo Radyo ken ni Senior Fire Officer III Erwin Quilana, inaldaw ti panaglikmotda iti siudad a mangiwaragawag kadagiti nasken nga aramiden tapno maliklikan ti uram gapu iti paputok.
Balakadna kadagiti agindeg nga imbes nga agaramat iti paputok ita a saraboen ti baro a tawen ket agaramat laengen iti torotot wenno dadduma pay a banag a makapataud iti naariwawa nga uni.
-- ADVERTISEMENT --
No met saan a maliklikan, kunana nga agpaputok iti saan nga asideg iti pagtaengan tapno maliklikan ti uram.
