VIGAN CITY – Uppat a gasut innem a pulo a personnel ti Bureau of Fire Protection Ilocos Sur ti dimmalan iti tinawen a physical fitness test tapno makita ti status ti tunggal bumbero.
Iti pannaki-uman ti Bombo Radyo Vigan ken ni Provincial Fire Director Fire Superintendent Floro Obrero, naala ti body mass index ken dimmalan iti surprise drug test dagiti nasao a personnel kasta payen a kinitada dagiti personnel nga addaan iti tattoo.
Ita nga aldaw ket batang dagiti adda iti first district nga isu ti naisayangkat idiay Quirino Stadium iti ili ti Bantay ken sumarunonto met dagiti adda iti 2nd district a maisayangkat idiay Candon South Central School.
Innayon ni Obrero a no agpositibo iti drug test dagiti personnel ket isu ti yendorsoda iti regional headquarters tapno maimbestigaran ida ken sangwenda no pannusa a maipakat kontra kadakuada.
VOICE OF FIRE SUPT. FLORO OBRERO
