Nagipila ti Department of the Interior and Local Government (DILG) iti reklamo iti Office of the Ombudsman kontra ken ni Jesus Fernandez, Fire Chief iti Bureau of Fire Protection (BFP) maipanggep iti korapsyon.
Segun ti DILG, mapapati nga immawat ni Fernandez iti nasurok P14 million a kickback manipod iti maysa a supplier iti BSL para iti procurement iti 132 nga ambulansya.
Maibasar iti imbestigasyon, mapapati nga immasideg ti supplier iti maysa nga automoitive company para iti joint venture tapno makasali iti procurement process.
Naallukoyna iti kompania nga agbalin nga otorisado iti bidder iti salinong iti naganna.
Iti umuna a payout, mapapati a nakisinnarak ti supplier ken ni Fernandez iti maysa a restaurant idiay Quezon City a nangawatan ti Fire Chief iti maysa a suitcase ken bag a naglaon iti P6 million ken nasurok P4.7 million.
Iti maikadau a payout, mapapati a nagkita manen dagiti dua ken immawat ti BFP chief iti luggage nga adda linaonna a P4 million.
Kinumpirmaran ti maysa nga empleado iti supplier ti panagpasuksok.
Segun ti DILG, inaminna a naimatanganna dagiti panagsarak ken isuna pay iti nangipan iti kuarta kadagiti bag nga impan ni Fernandez.
Gapu dayta ket impila iti DILG ti agtutuon a kaso kontra ken ni Fernandez pakairamanan iti panaglabsing iti Anti-Graft and Corrupt Practices Act, direct bribery, malversation ken conspiracy.
Makasoan pay ti reklamo ti supplier ken dadduma a kameng ti BFP nga agdama a bigbigbigen iti DILG.
