--Ads--
VIGAN CITY – Pinaanak dagiti kameng ti Bureau of Fire Protection-Candon City ti maysa nga ina iti uneg ti ambulansia.
Maibasar iti social media post ni City Mayor Ericson Singson, balligi da FO3 Emiliano Corpuz Jr. ken FO1 Jake Reotita a registered nurse ken registered midwife kaduada ni FO1 Argeo Gacutan a driver ti ambulansia a nangpaanak kenni Venus Madarang, agtawen ti duapulo ket maysa a taga-San Juan, Candon City.
Naisayangkat ti panagpasngay ni Madarang iti uneg ti ambulansia ta saan a na-admit iti ospital ta napunnon ti pasyente.
Gapu ti dayta ket nabigbig ti serbisyo nga impaay ti BFP-Candon babaen ti panangidaulo ni Candon City Fire Marshal CInsp Nemesio Valenciano Jr.
-- ADVERTISEMENT --
