--Ads--
Nangisayangkat ti Cabugao Municipal Fire Station iti Basic Skills for Responder Training kadagiti Community Fire Auxiliary Group ti Barangay Nagsantaan ken Barangay Maradodon, Cabugao.
Naangay ti training idiay Barangay Quezon, iti nasao nga ili.
Iti pannaki-uman ti Bombo Radyo Vigan ken ni Fire Senior Inspector Lewelyn Ulit, gagem ti aktibidad a maasa ti laing ken ammo ti komunidad kas first responders, no maipapan iti fire prevention, fire suppression, ken dadduma pay a saan a mapakpakadaan a pasamak.
Nagyaman met ti nasao a fire station iti suporta ti Local Government Unit ti Cabugao nga idaulwan ni Mayor Josh Edward Cobangbang para iti balligi a pannakaisayangkat ti training.
-- ADVERTISEMENT --
