--Ads--
VIGAN CITY – Ipapatungpal ti Bureau of Fire Protection iti OLP On-The-Road wenno Oplan Ligtas Pamayanan kas panangpalagip ti publiko iti panangliklik uram.
Iti pannaki-uman ti Bombo Radyo Vigan ken ni Provincial Fire Director Supt. Nemecio Valenciano Jr., agturong dagiti kameng ti BFP kadagiti barangay tapno palagipan dagiti tattao iti fire safety measures ken fire prevention tips tapno maliklikan ti uram.
Gapu iti mapapasungadan a baro a tawen ket nagpalagip pay ni Valenciano kadagiti agaramat iti palpalibang a dagiti laeng otorisado a paputok iti aramatenda.
Innayonna nga adda laeng iti paset kadagiti barangay a mabalin a pagpaputokan kas maibasar iti pagannurutan tapno awan iti maisagmak.
-- ADVERTISEMENT --
