Namnamaen dagiti pitopulo ket lima a complainants manipod agduduma a sektor nga umanayen a rason ti ground a betrayal of public trust ni Vice President Sara Duterte tapno ma-impeach iti puestona.
Iti pannaki-uman ti Bombo Radyo Vigan ken ni Act Teachers Partylist Representative France Castro, dakkel iti epekto iti inaramid ni VP Sara ta dinadaelna ti talek dagiti Pilipino ta nagtalekda kenkuana a kabaelanna a salakniban ti kuarta dagiti agbuwbuwis ngem saan a nasayaat iti pannakaaramat ti confidential funds.
Segun ken ni Castro, umanayen a rason a ma-impeach ni Duterte ta adu dagiti mamati a saanen a mayannatup nga agbalin a bise presidente iti pagilian.
Impaganetgetna nga adu ti documentary evidence, videos, nagsarita iti Committee on Good Government a mangpaneknek dagiti maikaniwas nga aramidna.
Namnamaenna nga adalen a nalaing dagiti kakaduana iti House of Representatives dagiti dua a complaint-da tapno iti kabiitan a panawen ket ma-impeach ti bise presidente.
