--Ads--
Impakaammo ti Department of Health (DOH) nga impangato ti PhilHealth ti benepisyo nga it-itedda kadagiti pasyente a nadengue.
Ti dati a P10,000 ket maipapaayen kadagiti addaan ti dengue fever ket naingato iti P19,000 idinto a dagiti severe dengue ket umawat ti P47,000 manipod dati a P16,000.
Immapela ti DOH ken PhilHealth kadagiti nadengue a saan a baybay-an a kumaru ti nasao a sakit ket insigida nga agturong kadagiti ospital.
Innayonda nga uray kadagiti makarikna iti sintomas ket agpakita nga insigida ken saan nga agdanag ta gastos ti PhilHealth iti pagpaagas.
-- ADVERTISEMENT --
