VIGAN CITY – Kinarit ni Bayan Muna Partylist Chairman Atty. Neri Colmenares ni Vice President Sara Duterte nga agsarita iti baet ti panagtaltalnana iti agresibo a tignay iti China kadagiti barko iti Pilipinas idiay West Philippine Sea.
Iti pannaki-uman ti Bombo Radyo Vigan ken ni Atty. Colmenares, nu maaramid ti agsarita ni Duterte iti agduduma nga isyu iti pagilian ket rumbeng laeng nga agsarita kas maikadua a lider iti Pilipinas tapno ilaban ti soberanya.
Segun kenkuana, saan a sigurado ti bise presidente iti akemna isu a nu bilang agbalin a presidente ket nakarkarun nga awan ti maaramidanna ket amangan nu baybay-anna lattan iti China a serkenda iti pagilian.
Linagipna pay nga uray idi Duterte Administration ket awan iti agsasao inaig iti panag-harrass iti China iti pagilian isu a yamanenna ita a gundaway dagiti mangilablaban iti karbengan dagiti Pilipino.
Kabayatanna, saan laeng a ti bise presidente ti al-allukoyenna nga agsarita ta uray dagiti public officials ket rumbeng laeng a lumaban tapno saan a maidadanes ti rebbengen ti pagilian.
VIDEO – BAYAN MUNA PARTYLIST CHAIRMAN ATTY NERI COLMENARES
