VIGAN CITY – Pinasingkedan ni Governor Ryan Singson a lima gasut a pisos laengen iti bayadan iti tunggal dumalanan nga antigen test dagiti agbakasyon nga agindeg iti probinsia tapno makadua ti pamiliada ita a Christmas season.
Iti pannaki-uman ti Bombo Radyo Vigan ken ni Gov. Singson, rumbeng a dagiti ag-home quarantine nga agbakasyon ket negatibo iti resulta iti antigen test-da sakbay iti isasangbayda iti probinsia ket dumalandanto manen iti maikapat nga aldaw a panag-quarantineda ket madoblento manen iti maikawalo ken maikasangapulo ket dua sakbay a mabalinda rumuar.
Inlawlawagna a ti nababati a mabayadan iti antigen test ket sungbatanen iti provincial government kas kiddaw dagiti umili nga agbakasyon.
Inyunay-unayna a saan laeng a ti bagida iti panunotenda nu diketdi panununotenda ti kinatalged ti pamiliada, kasta payen dagiti doctor, nurse ken frontliner a posible a makapulapolda ket saanda a panunoten iti kinangina iti bayadanda.
Kabayatanna, ti nasao a presyo iti antigen test ket manipod December 7 agingga January 10, 2020.
