--Ads--
VIGAN CITY- Bassit a workload ken psychosocial intervention iti sumagmamano kadagiti wagas nga ad-adalen ti Department of Education nga ited da kadagiti mangisursuro tapnu maliklikan iti panagpakamatay da gapu ti kinadagsen ti trabaho da ken tapnu maakem da a naimbag ti obligasyon da a mangisuro.
Segun kenni Dep Ed Undersecretary Tonisito Umali, manipud idi nagtakem ni dep ed secretay Leonor briones ket adun ti naikissay kadagiti papers wenno forms a kasapulan a leppasen dagiti mangisursuro ta manipud iti dati a tallo pulo , ita ket sumurok kumurang sangapulo laengen ngem nupay kasta ket agtultuloy latta ti panangadal da tapno makissayan ti stress dagiti teaching personnel ken saan da a mapanonot iti agpakamatay.
