Bassit nga eroplano, nagswek iti London Southend Airport

Nagswek ti bassit nga eroplano iti London Southend Airport iti southeast coast idiay England.

Segun ti local Essex Police, nainget ti panangkitada iti nasao nga insidente iti Southend Airport.

Saan pay a nalawag nu mano a tattao iti naglugan iti eroplano.

Kinuna ti East of England Ambulance Service a nagipatulodda iti uppat nga ambulansya ken dadduma pay a response vehicles.

Kabayatanna, lima nga international flights iti nakanselar kasaruno iti aksidente.