VIGAN CITY – Nagtugawen kas baro a Officer in charge ti Ilocos Sur Police Provincial Office ni PCol. Marlo Castillo.
Umuna a mandar ni PCol. Castillo kadagiti amin a pulis ditoy probinsya ket iti panangkita ken panangadal kadagiti naidatag a plano tapno makita no ania dagiti masapol a baliwan ken mainayon ta ado pay iti mabalin a pasiaten ken saan nga agtalinaed a kontento ti agdama a performanceda.
Immandar na kadagiti amin a Chief of Police nga agipasa ti action plan no kasanuda a tungpalen ken iimplementar dagiti addang a kayat a maaramid ni Castillo ti masakopanda.
Mangbukel dagiti pulis ti peace keeping operation babaen iti pannakitinnulong da kadagiti nadumaduma a gropo tunggal sektor nga agserbi a volunteer tapno agtalinaed ti linak ken talna ken panangpapigsa ti langen-langen a tumulong kadagiti agkasapolan ken iti panangiadayo kadagiti agtutubo ti illegal a droga babaen ti sports activities.
Insingasing ti baro a provincial director ti Serbisyong M.A.C wenno Model, Accountable, Compassionate a maimplementar a mangpalagip kadagiti mandato ti PNP a nakasagana a pangipaay kadagiti tattao ti serbisyo.
