--Ads--
Kinumpirmaran ti Department of Justice nga adda dagiti tulang ken nadadael a kawes a nasarakan iti agtultuloy a search and retrieval operation ti Philippine Coast Guard idiay Taal Lake.
Karaman ti dua a bangabanga ti tao nga adda ngipen ken posible a buok.
Segun ken ni DOJ Assistant Secretary Mico Clavano, dakkel a tulong dagiti nasarakan a ngipen tapno iparis iti dental records dagiti mapukpukaw a sabungero ken maaramat iti DNA matching kadagiti sample a naala manipud kadagiti kabagyan dagiti biktima.
Nagpatulong ti DOJ kadagiti eksperto manipud iti University of the Philippines ken iti Japanese government tapno makita dagiti baro a tulang a nasarakan ken no agpadada kadagiti DNA sample.
-- ADVERTISEMENT --
