--Ads--
Saan a kontraen ti gobierno ti baro a protesta nga isayangkat ti nadumaduma a grupo inton November 30 mainaig iti isyu ti anomalya.
Segun ken ni Palace Press Officer Atty. Claire Castro, nawaya ti asino man a mangiyebkas ti kaririknanada iti baet ti nabara a patangan ti korapsion ditoy pagilian.
Kunana a bigbigbigen ni Presidente Ferdinand Marcos Jr ti karbengan iti panangiyebkas dagiti umili, ngem nasken laeng a siguradoen a saan a malabsing ti linteg.
Ti laeng kayat ti presidente ket agbalin a naurnos ti rally ken saan a malaokan iti dakes nga elemento tapno saan a maulit ti rinnupak a napasamak idi September 21 rally.
-- ADVERTISEMENT --
