VIGAN CITY – Kayat ni dati a Health Secretary ken agdama nga Iloilo Rep. Janette Garin a pagbalinen ti Department of Health nga ospital para kadagiti adda ti coronavirus disease na ken dagiti persons under investigation dagiti baro a pasdek para kadagiti DOH- hospitals iti intero a pagilian.
Dayta ket agsipud ta umad-adu ti bilang dagiti nagpositibo ti COVID – 19 ditoy pagilian nga immaboten ti 52.
Ti pannaki-uman ti Bombo Radyo Vigan ken ni Garin, napinpintas nu adda ti ospital ti kada probinsiya wennu kada rehiyon nga isu iti paka-tamingan dagiti COVID patients tapnu saan da a mailaok kadagiti pasyente nga adda iti sabali a sakit na ket saan da a maakaran ti nasao a virus kasta met a saan a maakaran dagiti COVID patients iti sabali a virus.
Immun-nan nga insingasing ti dati a health secretary nga ikkan ti DOH ti flu ken pneumonia vaccine dagiti senior citizens ditoy pagilian kas paset pay laeng iti panangparmek iti nasao a virus agsipud ta dagiti babbaket ken lallakay iti narisgo ti COVID – 19.
