--Ads--
Saan a bumaba iti 5 a tao ti natay ken 34 ti nadunor iti baro manen a panagraut ti Russia usar ti ballistic missiles ken drones idiay Kyiv, Ukraine.
Segun ken ni Kyiv Mayor Vitali Klitschko, narpuog ti 9-story building a pasdek kabayatan a maur-uram ti maysa a residential building ken maysa a hotel.
Nagballaag dagiti otoridad ken inallukoyda dagiti agindeg nga agtalinaed kadagiti evacuation center kabayatan nga agtultuloy ti panagraut.
Napasamak ti opensiba mano nga oras kalpasan a bombaen ti Ukraine ti maysa a dakkel nga oil refinery ken military complex iti Russia kas paset iti napabileg a kampania kontra Moscow.
-- ADVERTISEMENT --
