VIGAN CITY – Dead on arrival idiay Narvacan District Hospital iti driver ti motorsiklo a naidungpar iti signage ken nakaparking a pison idiay Barangay San Antonio Narvacan.
Nabigbig ti biktima a nagmaneho iti Blue Suzuki Raider Motor Cycle a ni John Aldrin Carlos Valentino nga agtawen ti sangapulo ket walo, baro ken agnaed iti nasao a barangay.
Segun kenni Deputy Chief of Police Police Lt.Rodel Ragasa ti Narvacan PNP,napaspas iti panagpataray ti driver ti motorsiklo a rason a naidungpar iti signage ken pison a nakaparking iti lugar.
Nagsagrap iti nakaro a dunor ti paset ti ulo ti biktima a poon iti nakatayan na ta saan a nakahelmet.
Innayon ni Ragasa a mapapati a nakainom ti biktima iso a saan na a nadlaw iti signage a nakaplastar uray nu nalawag iti nasao a lugar.
