VIGAN CITY – Nagsapatan ni Vice Mayor Bryan Dexter Tadena kas baro a mayor iti ili a Sto. Domingo kasukat iti pimmusay nga ama na a ni Mayor Floro “Butch” Tadena.
Naasikaso nga insigida iti panagsapata ti baro a mayor ta nu mabayag nga awan iti agtugaw a mayor ti ili ket mataktak dagiti amin a transaksyon ken awan iti agpirma kadagiti kasapulan a dokumento.
Agsipud ta rule of succession iti nasurot iti pannakaipatugaw ni Vice Mayor Tadena kas baro a mayor ti ili, ni ngarud Senior Sangguniang Bayan Member Michael Figueras iti agtugaw kas baro a bise mayor kas maibasar iti nasao a pagannurutan.
Maiyur-uray met nu kasanun to iti mapasamak iti maika-walo a miyembro ti konseho ti ili ta pito da laengen a Sangguniang Bayan members agsipud ta nagtugawen kas baro a bise mayor ni Figueras.
