--Ads--
VIGAN CITY – Nagyaman ti baro a mangidaulo iti Philippine National Police Region-1 a ni Police Brig. Gen. Rodolfo Santos Azurin Jr. iti pannakaipatugawna kas baro nga agserbi iti rehion uno.
Dayta ket kalpasan iti panagretiro ni PBrig. Gen. Joel Ordonia kas mangidaulo ti PRO-1 iti uneg iti sangapulo ket tallo a bulan a ni Azurin iti sumukat kenkuana.
Inkari ni Azurin a papigsaenna iti kampania ti Malasakit, Kaayusan, Kapayapaan, Kaunlaran wenno MKKK.
Kabayatanna, nagserbi ti baro a naipatugaw nga opisial a kas Director ti PNP Maritime Group ken Miembro iti PMA Makatao Class 1989 sakbay iti panagakemna kas baro a mangidaulo iti rehion.
-- ADVERTISEMENT --
