Indauloan ni dati a senador Antonio Trillanes IV, kadua ti grupo a Silent Majority ti panagipila ti baro a kaso a plunder ken graft kontra ken ni Vice Presidente Sara Duterte ita nga aldaw iti Office of the Ombudsman idiay Quezon City.
Ti reklamo ket adda mainaig iti maipagarup nga anomalya ti panagusar ti pondo idi isuna ti nagserbi kas secretary ti Department of Education (DepEd) ken mayor ti Davao City.
Segun ken ni Trillanes, gagem ti kaso a pasungbaten ni Duterte kadagiti alegasion ti korapsion ken madi a panagusar ti public funds.
Maipalagip nga idi Oktubre 2025, nangipila ni Trillanes ti reklamo kontra ken ni dati a Presidente Rodrigo Duterte ken Senador Bong Go mainaig iti maipagarup nga irregularidad ti panangited ti binilyon a pesos a proyekto. Reynand Fontejon
