VIGAN CITY – Sangagasut ket sangapulo a baro a kaso iti covid-19 iti nainayon iti Ilocos Sur a nangitundaan iti 1,879 ti total covid-19 case.
Kaaduan a kaso ket manipod Sta. Maria ta tallopulo iti nainayon, sinaruno ti Cabugao a duapulo ket uppat, San Vicente a duapulo ken Vigan City a sangapulo ket pito.
Pito iti nainayon idiay Narvacan, uppat idiay Burgos, tallo idiay Alilem, dua idiay San Juan ket saggaysa idiay Santiago, Sinait ken Santa.
Kabayatanna, 42,767 a covid-19 vaccines ti naawat iti probinsia ket 36,079 iti nabakunaanen.
Manipod iti A1 wenno kadagiti mangmangged iti frontline service ket 15,449 iti nakaawat iti umuna a dose idinto a 7,370 iti maikadua; iti A2 category wenno senior citizen ket 14,922 ii umuna a dose idinto a sangapulo ket maysa iti maikadua a dose; iti A3 category wenno adda commorbidities-na ket 5,708 iti umuna a doses idinto nga awan pay iti maikadua a dose.
