VIGAN CITY – Balligi ti pannakaiwayat ti search warrant operation idiay Brgy Bucalag, Santa a nakatiliwan ti suspek a ni Gabriel Ricafort, agtawen iti tallopulo ket uppat, construction worker nga agnaed iti nasao a lugar ken sumangsango iti kaso a panaglabsing iti Republic Act 9165 wenno Comprehensive Dangerous Drugs Act of 2002.
Segun ken ni PLt. Joseph Fieldad, newly identified drug personality ti suspek nga immuna a binuy-bust da ket nagpositibo ti operasyon isu nga intuloyda a pinakatan iti search warrant.
Naala iti uneg ti pagtaenganna ti uppat a transparent plastic sachet ti shabu a nasurok kumurang .009 grams nga aggatad iti PHP3,500; dua a rolled paper a naglaon iti napagango a bulong ti marijuana a nasurok kumurang .5grams nga aggatad iti PHP1,000.
Naala pay ti maysa a lighter, transparent box a naglaon iti drug paraphernalia ken maysa a bag a nalabaga.
Iggemen dagiti kapulisan ti suspek pakairamanan dagiti naala kenkuana nga ebidensya tapno maidalan iti husto a proseso.
