--Ads--
Plano ti baro a Health Secretary Jose Pujalte Jr. a mangbukel ti maysa a council of elders a buklen dagiti dati a secretary ti Department of Health (DOH) tapno tumulong iti panangsolbar dagiti nabayagen a parikot iti ahensia.
Segun ken ni Puljante, nabayagnan a mapampanunot ti nasao a banag ta adu ken nauneg dagiti parikot iti DOH.
Kinunana a planona nga imbitaran da Rep. Janette Garin, Esperanza Cabral, ken Dr. Jimmy Galvez Tan, ken dadduma pay a DOH secretaries kas adviser.
Kinuna ni Pujalte nga itultuloy ken ingetanna dagiti programa iti salun-at iti administrasion ni Pres. Ferdinand Marcos Jr. karaman ti zero-balance billing, preventive healthcare ken panagkissay ti out-of-pocket expenses dagiti pasyente.
-- ADVERTISEMENT --
