Naituding nga ituloy ti Commission on Elections ti Bangsamoro Autonomous Region in Muslim Mindanao Parliamentary Elections nga adda 73 a puesto a mabotosan.
Segun iti Comelec Chairman George Erwin Garcia, nagdesisyonda nga isayangkat ti Bangsamoro Parliamentary Elections inton October 13 uray no awan ti linteg a mangidatag iti pito a posisyon iti parliament ti Bangsamoro a dati nga idiay Sulu province, kas maisurot iti Comelec Minute Resolution No 25-0738 a napetsaan iti June 17.
Ti desisyon ket kalpasan ti nainget a panagadal ken panangikonsiderar iti nainget a timeline sakbay ti eleksyon mainaig iti panagbotosan inton Oktubre.
Innayon ti Comelec a saan a maapektaran iti nasao a resolusyon ti bilang dagiti puesto para kadagiti mangibagi iti distrito a nailatang para kadagiti dadduma a probinsia ti Bangsamoro region.
