Natay ti maysa a Barangay Tanod ta binagkong dagiti agama a kalugaranna idiay Barangay Barikir, Sinait, Ilocos Sur idi alas onse y media idi rabii, February 14, 2025.
Ti biktima ket agtawen iti limapulo ket uppat idinto a ti suspek ket agtawen iti uppat a pulo ket uppat a mannalon kaduana ti amana nga agpapada nga agnaed iti nasao a lugar.
Iti pannaki-uman ti Bombo Radyo Vigan ken ni PLt. Elmer Assistin manipod Sinait Municipal Police Station, nakaawat iti tawag dagiti pannakabagi ti linteg manipod concerned citizen mainaig iti insidente a napasamak iti natayan isu nga insigidada a nagresponde.
Segun ken ni Assistin, sakbay iti insidente ket nagay-ayam ti baraha ti suspek kadua ti biktima ken dadduma pay idin adda saan a nagkinna-awatan ti suspek ken dadduma a kakaduada ngem a napasardengda.
Nupay kasta, mapapati a nagturong ti suspek iti nagiparkinganna ti luganna ket innalana ti balisong ket nagsubli ken nagprobokar isu nga impadas ti biktima a tininggar ti suspek ngem isu metten iti pannakabagkongna.
Naamoan nga uray ti ama ti suspek ket binagkongna ti biktima isu a nagsagaba ti tallo nga stab wounds iti agduduma a paset ti bagina ket naipan iti Corpuz Clinic and Hospital – Sinait a gappuanan ti panakaideklararna a dead on arrival babaen ti attending physician-na.
Agpada a simmuko dagiti suspek iti Sinait Municipal Police Station karamanen ti balisong a naaramat iti krimen ket mapilaanda ti kaso a murder.
VIDEO – PLT. ELMER ASSISTIN
