--Ads--
VIGAN CITY – Nagsagaba iti dunor gapo iti tama ti bala ti kannigid a luppo na iti maysa a tanod ti barangay idiay Brgy. San Sebastian, San Vicente.
Nabigbig ti biktima a ni Rolly Rillamas Riconese nga agtawen ti uppat a pulo, maysa a tanod ti barangay ti Brgy. San Sebastian.
Ti pannaki-uman ti Bombo Radyo Vigan, PLt. Roland Villaluz, hepe ti San Vicente Municipal Police Station, nakalugan ti motorsiklo ti biktima pakairamanan dagiti dua a kakaddua na ta naggapo da iti natayan iti nasao a barangay.
Aksidente a pimmutok ti paltog a nakasalikod ti siket ti biktima a rason iti pannakadunor na.
-- ADVERTISEMENT --
Saanen a narekobre dagiti pulis ti paltog a naaramat ken awan iti basyo a naalada manipod ti nakapasamakan na ta imbellengdan ti paltog.
