--Ads--
VIGAN CITY – Kaso a panaglabsing ti Article 151 iti Revised Penal Code ken ti Republic Act 11332 ti sangwen ti barangay tanod a nakemmeg idiay Brgy. Baliw, Sinait a nakemmeg kabayatan iti pannakaipatungpal ti enhanced community quarantine.
Ti suspek ket ni Christopher Duran, agtawen ti tallopulo ket lima ken dagiti nakalibas a kakaduana a da Christopher Ibera, Jerry Agbayani ken ni Loyd Eugenio nga agpapada nga agnaed iti nasao a lugar.
Napakaamuan ti Sinait Municipal Police Station nga adda dagiti agiinom iti nasao a barangay idin ta nagriririda isu nga insigida a nagresponde dagiti pannakabagi ti linteg ket isun ti pannakakemmegda iti suspek babaen iti tulong dagiti barangay kagawad.
