Barangay secretary ti Suksuki, Sto. Domingo, back-to-back Most Outstanding Secretary iti Kannawidan Siglat Awards

VIGAN CITY – Nagyaman ni Barangay Suksukit, Sto. Domingo Brgy. Secretary Dexter Ulep gapu iti pannakabigbigna a kas Oustanding Barangay Secretary iti Kannawidan Siglat Awards ti 3^rd class LGU category ken nakaawat ti gunguna a sangapulo ket lima a ribo a pisos.

Segun ken ni Ulep, ti naawatna a pammadayaw ket saan laeng a para iti bagina no di ket para kadagiti kalugaranna idiay Brgy. Suksukit, Sto. Domingo.

Idi napalabas a tawen ket isuna manen iti nabigbig kas Oustanding Barangay Secretary isu a back-to-back title iti nagun-od na.

Kabayatanna, kadagiti sangapulo ket innem nga entry ti Barangay Suksukit iti Siglat Awards ti Kannawidan itatta a tawen, siyam a kategorya iti nagkampeonanda idinto a ti nabatbati ket nakarunner up da.