--Ads--
Dead on arrival ti maysa a barangay official a napaltugan idiay Barangay Bungro, Magsingal, Ilocos Sur.
Ti biktima ket agtawen iti limapulo, agnaed iti nasao a lugar idinto a saan pay nabigbig ti suspek.
Iti pannaki-uman ti Bombo Radyo Vigan ken ni PCPT. Melvin Trimidad, agin-inana ti biktima iti veranda iti pagtaenganda idi pinaltugan ti suspek.
Nagsagaba iti tama ti paltog ti rupa ti biktima ket naitaray iti ospital ngem saanen a nakalasat.
-- ADVERTISEMENT --
Narekobre iti nakapasamakan ti pammaltog ti 2 nga empty shell ti mapapati a caliber 45 a paltog ken 1 nga empty shell ti .56 mm.
Agtultuloy ti panangimbestigar dagiti pannakabagi ti linteg no ania ti motibo iti pannakapaltog ti biktima.
