--Ads--
Maysa a barangay official ti biktima iti pammaltog idiay Barangay Namitpit, Quirino, Ilocos Sur.
Ti biktima ket ni Barangay Kagawad Rey Habon, agtawen iti limapulo idinto a ti suspek ket maysa a mannalon nga agtawen iti uppat a pulo ket innem, agpada nga agnaed iti nasao a lugar.
Nagsagaba ti biktima iti tama ti paltog ti kannigid a pilay-pilayna isu a naipaagas iti ospital para iti naan-anay a pannakatamingna.
Segun iti maysa a witness nga agnaed met laeng iti nasao a lugar, nakitana ti suspek a naglibas a napan iti pagtaenganda.
-- ADVERTISEMENT --
Iti agdama, addan iti kustodia ti suspek kadagiti pannakabagi ti linteg kalpasan ti pannakakemmegna.
Awan met ti ania man nga armas a naala iti nasao a pasamak.
