--Ads--
VIGAN CITY – Balligi ti naisayangkat a search warrant operation babaen kadagiti pannakabagi ti linteg idiay Barangay Malamin, San Juan kontra ken ni Barangay Kagawad Constante Vito Cruz, agtawen iti pitopulo ket tallo, dati a kapitan.
Sigun ken ni PMaj. Christopher Ramat iti San Municipal Police Station, naiwayat ti search warrant gapu ti naawatda a report nga agik-ikot iti nadumduma a paltog ti subject.
Naala kenkuana ti lima a paltog pakairamanan ti shotgun ken Cal 22.
Kinuna ni Ramat nga inamin ni Cruz a kukuana dagiti paltog a nakitada.
-- ADVERTISEMENT --
Kabayatanna, ti nakemmeg ken pakairamanan ti naala kenkuana ket addan iti kustodia iti San Juan Municipal Police Station para ti naan-anay a pannaka-dokumentona.
