VIGAN CITY – 1.5 a kilo ti karne ti nauraga a baboy nga aggatad iti lima gasut a pisos ti nasalamaan manipud ti maysa a barangay kagawad a nangiserrek iidiay Brgy. Ansad, San Esteban.
Nabigbig ti nangiserrek a ni Godofredo Corpuz, agtawen iti limapulo ket siam, maysa a barangay kagawad.
Segun ken ni P/LT. Arnold CAlzado, makapamindua a gundawaydan a nakatiliw gapu iti panagpastrek ti nauraga a naggapo iti kabangibang a lugar.
Awan ti aniaman a permit a naipakita ni Corpuz kadagiti nanginspeksyon kenkuana.
Naggapu pay idiay Brgy. Dan-ar, Santiago ti karne ngem itan ket addan iti kustodiya ti Municipal Meat Inspector para iti proper disposition.
Innayonna a babaenen iti online ti koneksyon wenno wagas a panagorder ti karne isu a nainget ti panagbantayda iti nasao a lugar.
