VIGAN CITY – Naisayangkat ti Philippine Drug Enforcement Agency – Ilocos Sur Barangay Drug Clearing Program (BDCP) Capacitation kadagiti newly-elected barangay officials kadagiti tallopulo ket tallo a barangay iti ili ti Cabugao.
Iti pannaki-uman ti Bombo Radyo Vigan ken ni Provincial Director Noreen Bautista, amin dagiti barangay captain ken secretaries ti karaman iti nasao a programa.
Matratar kadakuada ti Republic Act 9165 wenno Comprehensive Dangerous Drugs Act of 2002 ken maisayangkat ti validation process, drug clearing kadagiti apektado ken saan nga apektado a barangay.
Uray pay ti Bagong Pilipinas National Anti-Drug campaign ket karaman a maisuro.
Kadagiti tallopulo ket tallo a barangay iti nasao nga ili – sangapulo ket innem ti drug cleared ken kasapulan a mamentenar, uppat ti drug free ken sangapulo ket tallo ti mamonmonitor a mayaplikar para iti drug cleared-barangay status.
Kabayatanna, inton bigat met ti batang iti ili ti Bantay idinto a dagiti dadduma nga ili ken siudad ket maitudingto pay laeng ti iskedyulda.
