VIGAN CITY – Pinasingkedan ni Police Captain Bryan Tacazon, hepe ti Sinait municipal police station, a ni Pug-os, Sinait Barangay Captain Michael Ancheta nga agtawen ti uppat a pulo ket dua ket isu iti mapapati a supplier ti iligal a droga idiay Cabugao ken Sinait.
Segun ken ni Tacazon, ti nasao nga impormasyon ket maibasar met laeng kadagiti testimonya dagiti nakemkemmeg a drug personality kadagiti naduma-duma a lugar idiay Cabugao ken Sinait.
Kinunana, nabayag a sinip-siputan da dagiti subject ti search warrant operation idiay Barangay Pug-os, Sinait idi September 19 kasta met a nainget a vinalidate da dagiti impormasyon a naala da nga isu iti nagpositiboan iti operasyon ta adu dagiti naala da nga iligal a droga iti uneg iti pagtaengan ni Ancheta.
Malaksid ken ni Ancheta, nasukimat pay iti pagtaengan da Jonald Sampilo, Reynaldo Talania kenni Nestor Talania a nakaalaan dagiti otoridad iti adu a sachet iti iligal a droga.
