Peke ti baptismal certificates dagiti mapapati a kakabsat ni suspended Bamban Mayor Alice Guo kas kinuna ni Senador Sherwin Gatchalian.
Bayat ti panagdenggeg ti hearing iti Senate Blue Ribbon Committee ket pinasingkedan ni Gatchalian a nadiskubreda ti baptismal certificates da Seimen Leal Guo ken Wesley Leal Guo nga inruar ti simbaan idiay Caloocan.
Dagiti dokumento ket nakailanad a nairuar babaen ti Parokya ng San Roque.
Nakaipan nga agpada a naiyanak idiay Caloocan City da Seimen Guo ken Wesley Guo ket ti amada isu ni Angelito Guo idinto a ti inada ket ni Amelia Leal.
Nupay kasta, ti surat a naipatulod ken ni Gatchalian idi Hunyo 6 ket pinaglibakan ti San Roque Cathedral Parish ti panangiruarda ti baptismal certificates.
Gapu dayta ket kinuna ni Gatchalian a ti baptismal certificates ket peke.
Nupay kasta mapapati nga inruar ti nasao a baptismal certificates ni Antonio Alcalde, ngem naamoan a natayen kas kinuna ni Lucena Flores iti Caloocan City Civil Registry Office.
Nabilin ti pannakakemmeg ni Alice Guo gapu ti mapapati a pannakainaigna ti nariad a Philippine Offshore Gaming Operator hub iti lugarna ken naduktalan a saan a pudno ti ibagbagana nga isu ket Pilipino.
