--Ads--
Immapela ni Dr. Gary Dionisio, convenor ti Bantay Senado a pagbalinen a na-simple ken nadaras a maawatan ti publiko dagiti pasamak mainaig ti impeachment trial ni Vice President Sara Duterte.
Inawagan ni Dionisio a maipagarup a legalistic wenno alienating ti mapaspasamak a trial gapu ta marigatan ti publiko a mangawat dagiti termino wenno balikas a maar-aramat iti impeachment trial.
Insingasing na iti gobierno a no adda pannakabalin ket mangilatang ti pondo tapno mai-publiko ti napasamak iti proceedings iti agduduma a lenggwahe, pakairamanan ti sign language.
Innayon ni Dionisio a ti kastuy a wagas ket makasurot ken maawatan ti tunggal Pilipino dagiti mapaspasamak iti impeachment trial ti bise presidente.
-- ADVERTISEMENT --
