Nangipatungpal ti Bantay Local Government Unit iti Municipal Ordinance No. 671, Series of 2026 a mangamyendar iti dati nga ordinansa iti panagaramat iti e-bike, e-trike, ken dadduma pay nga electric vehicle.
Babaen iti naipatungpal a pagannurotan, naituding a dagiti laeng agtawen iti sangapulo ket walo laeng ti mabalin nga agmaneho, idinto a kasapulan ti agisuot iti helmet dagiti agar-aramat iti two-wheeled electric vehicles.
Nasken pay nga adda iti naurnos ken roadworthy a kondision ti lugan, saan a lumabes iti seating capacity dagiti pasahero, ken maiparit ti panagaramat iti cellphone kabayatan ti panagmaneho.
Maiparit pay kadagiti menor de edad ti panagmaneho iti electric vehicle, ken no backrider-da, ket mabalin nga adda legal-age a drayber ken makanay a safety restraint.
Gagem ti ordinansa a maipasigurado ti kinatalged ken naurnos a regulasion iti panagaramat ti electric vehicles kadagiti kalsada iti nasao nga ili.
