Dimmur-as iti 10.7 percent wenno P30.72 trillion ti pakabuklan nga assets dagiti bangko iti Pilipinas idi Hulyo, maibasar iti Bangko Sentral ng Pilipinas.
Kagiddan daytoy, ngimmato iti 10.8 percent wenno P16.91 trillion ti pakabuklan a loan portfolio, idinto a ngimmato iti walo a porsiento, wenno P8.91 trillion ti investments dagiti bangko.
Dimmur-as met iti 7.9 percent wenno P22.06 trillion ti deposits, gapu iti nangatngaton a talek ti publiko kalpasan a dinoble ti Philippine Deposit Insurance Corporation ti insurance coverage iti P1 milion kada depositor iti kada bangko.
Nupay kasta, posible latta a maapektaran ti pastrek ken asset growth dagiti bangko iti nangatngato nga interest rates, geopolitical tensions, ken panagadu ti nonperforming loans.
