VIGAN CITY – Nagyaman ni Pmaj Lorenz Paul Claveria ti Bangued Municipal Police Station kadagiti umili para iti insigida a pannakakemmeg dagiti dua a suspek ti pammaltog iti nasao a lugar.
Iti pannakiuman ti Bombo Radyo Vigan kenni Pmaj. Claveria, babaen ti suporta dagiti residente ken ti sigod a panangipakaammoda iti kapulisan dagiti impormasyon ket dakkel naitulong dayta iti pannakakemmeg dagiti suspek nga isuda Joemar Britanico Bayle ,nagserbi a gunman kenni Dennis Viado Britanico, agtawen ti duapulo ket maysa , baro nga agnaed ti Quilliat, Langiden Abra .
Segun kenni Pmaj. Claveria, nagsina a nakemmeg dagiti dua kalpasan a natnag ti gunman idi agsikkoda iti asideg ti checkpoint rason iti panangpanaw kenkuana ti drayber a suspek .
Innayonna nga agingga iti agdama ket saan pay a nagsarita dagiti suspek nu ania iti motiboda ti pammapatay ngem agtultuloy ti imbestigasyon iti napasamak.
Maipalagip a nakapasar ti tama ti paltog iti agong ken panga ti biktima a ni Catherine Andallo Aguilar, negosyante, agtawen ti tallapulo ket walo, hog raier a taga Brgy Quilliat LAngiden Abra.
VC- PMAJ LORENZ PAUL CLAVERIA
