VIGAN CITY – Nasarakan nga awan biagna ni Eusebio Sabugo Braceros, agtawen iti walopulo ket tallo, agnaed iti Barangay Baracbac, Sinait.
Segun ken ni Estella Sabugo Villegas, agtawen iti innem a pulo ket maysa a putot ni Eusebio, pimmanaw ti amana iti alas tres y media iti malem idi kalman (October 11) idiay balayda tapno bisitaen ti anakna a daytoy ket limmasat iti bassit a karayan a saka-saka.
Alas kuatro y media iti malem, bayat ti panagturongna idiay Sitio Centro, nakitana ti amana a tumtumpaw iti karayan ket patienna a daytoy ket nalmes gapu ti tawen ken kabara ti paniempo a puon ti maipagarup a pannaka-heat stroke na.
Innayon ti putotna nga adda sakit a hypertension ti amana idi kallabes ken masansan ti pannakaulawna sakbay pay a napasamak ti insidente.
Naitaray iti ospital ti biktima ngem naideklarar a dead on arrival.
