VIGAN CITY – Maysa a bangkay ti lalaki ti nasarakan iti tengnga ti kataltalunan idiay Brgy Cadacad, Burgos.
Iti pannaki-uman ti Bombo Radyo Vigan ken ni PLT. Dondie Pagalanan, Officer in charge ti PNP Burgos, ti biktima ket ni Elpidio De Gracia Jr agtawen iti innem a pulo nga agnaed iti nasao a lugar, maysa a caretaker ti balay ken dati a kameng ti Philippine Marines.
Awan ti foul play iti napasamak ta awan ti aniaman a dunor ken gasgas iti biktima ken naduktalan nga atake iti puso ti nakatayanna bayat nga umib-ibleng.
2015 ket adda rekord ti biktiman a nangato ti presyonna ngem saan metten a nagpakpakita iti doktor idinto a ti pamiliana ket adda idiay Mindanao ken ti kabsatna ket adda metlaeng iti nasao a lugar ngema adayo laeng manipud iti pagtaenganna.
