Kinumpirmaran ti Philippine Coast Guard (PCG) iti pannakarekobre ti bangkay ti Coast Guard personnel kalpasan a limned ti MV Trisha Kerstin 3 iti kabaybayan a paset iti Baluk-Baluk Island idiay Basilan.
Narekubre dagiti bangkay ti coastguardian a ni Seaman First Class Alkhaizar Hadjail iti napasamak nga operasyon idi kalman.
Nakipagrikna ti PCG iti pamilia ni Hadjail ken siguradoenda a suportaranda ida ita a nakaru iti panagladingitda.
Inlawlawag ti PCG a ti bilang ti natay iti nasao nga insidente ket umaboten iti uppat a pulo.
Ti bilang dagiti nakalasat wenno survivor ket agtaltalinaed iti 316.
Segun ken ni Commodore Rejard Marfe a commander ti Coast Guard District Southwestern Mindanao, karaman kadagiti natay ti maysa nga innem a bulan a babai a naiturn-over iti Provincial Disaster Risk Reduction and Management Office iti Basilan idi January 26 sakbay a naipan idiay Zamboanga City tapno masimpa iti pannakaitabon.
Naawat ti PCG iti husto a bilang kasaruno ti validation ken coordination meeting kadua ti PDRRMO ken ti City Disaster Risk Reduction and Management Office a nangpagtitipon iti amin a naireport a narekobre.
