Bangkay ti padi, nasarakan iti ili ti Cervantes

VIGAN CITY – Nasarakan a bangkay ni Rev. Jerry Sagayo, agtawen iti limapulo ket pito, padi iti Anglican Church a taga-Barangay Rosario, Cervantes.

Impakaammo ni Maria Cabilo iti Cervantes Police Station iti pannakasarak ti maysa a bangkay iti Anglican Church iti nasao a lugar isu a nagresponde met a dagus dagiti pannakabgi ti linteg.

Kinuyog ni Elvelra Bantas dagiti nagresponde iti paset ti nasao a simbaan ket nasarakan ti bangkay ti padi.

Naipan iti Bessang Pass Memorial Hospital, Cervantes ti nasarakan a bangkay ngem naideklarar a dead on arrival.

Nupay kasta, agtultuloy ti imbestigasyon dagiti pannakabagi ti linteg no ania ti nakatayan ti padi.