VIGAN CITY – Manamnama a maiyawiden iti bangkay ni Maribel Patubo, ti Overseas Filipino worker a natay idiay Saudi Arabia gapu ti brain aneurysm.
Segun ti asawa na a ni Joseph Patubo, inton November 14, aldaw ti Huwebes ket agdisso idiay Laoag International Airport iti eroplano a nakailuganan iti bangkay ni Maribel.
Maimasayag to iti bangkay ti nasao nga OFW iti pagtaengan da idiay Barangay Quimmarayan, Bantay.
Mainaig dayta, napalaus iti panagyaman ni Joseph gapu iti nabiit a pannakaiproseso iti pannakaiyawid iti bangkay ti asawa na, nangruna kadagiti timmultulong kadakuada kas ti Bombo Radyo Vigan, Department of Foreign Affairs kenni Lia Grey wennu Romella Bayatin a chief nurse ti maysa nga ospital idiay Dammam, Saudi Arabia, pakairamanan ti grupo na a KADAMAY.
