VIGAN CITY – Naipalubusen iti pannaka-autopsy ti bangkay ti Canadian national a ni Michael Skuca nga agtawen iti dua pulo ket siyam a nasarakan l iti uneg ti kwatro iti maysa a transient house idiay Capangpangan, Vigan City idi May 30.
Segun ken ni Police Major Simon Damolkis, deputy chief of police ti Vigan City police station, maysa kadagiti kadua ti biktima iti nang-contact iti pamilya na idiay Canada ket naamuan nga immannugot da a maidalan iti autopsy ti bangkay.
Pinasingkedan met ni Damolkis nga idi napan da iti lugar a nakakitaan iti bangkay ti biktima ket nakita da nga awan iti foul play iti pasamak ngem agtultuloy pay laeng iti imbestigasyon nga isaysayangkat da.
Immunan nga inbaga dagiti kadua ti biktima a saan a simmurot kadakuada ti biktima ta inagal na iti sakit iti ulo na gapu iti bannug iti sangapulo ket tallo nga oras a biyahe da nga immay ditoy Ilocos Sur.
