VIGAN CITY – Nasarakanen ti bangkay ni Angelo Patubo, agtawen iti duapulo ket maysa, agnaed iti Barangay Quimmarayan, Bantay a natay gapu ti pannakalmesna iti karayan idiay Barangay Pudoc Norte, San Vicente.
Iti pannaki-uman ti Bombo Radyo Vigan ken ni PCapt. Pedro Halover manipod San Vicente Municipal Police Station, nakitada ti bangkay iti asideg met laeng iti nakalmesanna ket mapapati a naisalat iti poste iti fish cage iti nasao a karayan.
Naisayangkat idi August 5, 2023 ti search and rescue operation tapno sapulen ti biktima ngem saan a nasarakan isu nga intuloyda itattay a gappuanan ti pannakakitada ti bangkay.
Ti biktima ket napan simmurot a nagala iti ikan iti nasao a karayan agingga a nakita nga agpapaarayat babaen ti panangipayapayna ti imana ngem saan a naisalakanen dagiti kaduana.
Malaksid dayta, napegges ti danum ken adalem ti nasao a karayan idi nalmes ti biktima.
Kabayatanna, balakad ni Halover kadagiti umili a nu man pay ammo iti aglangoy nu napegges iti danum ken adda iti kuryentena ket nasaysayaat a saan a tumapog tapno saan a maisagmak.
VOICE OF PCAPT. PEDRO HALOVER
