Bangkay ti menor de edad, nasarakan iti irigasyon

VIGAN CITY – Maysa a bangkay ti menor de edad ti nasarakan iti irigasyon idiay Barangay Capangdanan, Bantay, Ilocos Sur.

Iti pannaki-uman ti Bombo Radyo Vigan ken ni PLT Reynando Renon, idi kalman a mapukpukaw ti biktima ngem sakbay a nagpukaw, naikkan pay laeng daytoy ti inana iti kanenna.

Saanen a napuotan ti ina ti biktima a rimuar iti anakna a kunana ket adda kissiwna ken maysa a person with disability.

Alas onse y media itay bigat, nakita laengen ti manugang ti ina ti biktima nga adda iti irigasyon a tumtumpaw.

Innayon ni Reynon a posible a napegges ti danum isu a nayanud ti biktima.