VIGAN CITY – Maysa a senior citizen iti nasarakan ti bangkayna iti irrigation canal idiay Brgy. Suyo Proper, Suyo, Ilocos Sur.
Segun ti Suyo Municipal Police Station, ti biktima ket ni Jaime Paccod Leal, agtawen ti innem a pulo ket pito, naasawaan, mannalon nga agnaed iti nasao a lugar.
Agsapa idi kalman idi nakita ni Pablito Ganitog Wattan iti biktima a na-stock iti irrigation canal iti nasao a lugar isu nga impakaammona iti barangay kapitanda.
Segun ti asawa ti biktima a ni Juanita Lobdoy Leal, agtawen ti innem a pulo ket tallo, alas kuatro y media idi Enero dos idi pimmanaw ti asawana iti pagtaenganda ket napan iti kubo a masansan a pagturoganna ngem ti kabigatanna, isu metten ti pannakakita ti bangkayna.
Naamoan nga adda history iti hypertension ti biktima ket saan a kanayon nga umin-inom ti maintenance-na ngem agin-inom iti arak.
